Programazion Ladina TML - Newsletter n.1 -
Lunedì, 24 Agosto 2015
TML, Tele Mendranzes Linguistiches, l'é l canal digitèl dedicà a la mendranzes linguistiches de la Provinzia de Trent, olache ladins, mocheni e cimbri pel valorisèr e sparpagnèr fora sia identità, tras n meso fondamentèl desche la televijion.
L Comun general de Fascia, con chela de durèr miec che l'é meso chesta ressorsa, l se à pissà de portèr dant a na vida che abie fazion l lengaz ladin, no demò col jir a chierir tel passà de noscia cultura, ma col uzèr fora soraldut l'atualità e la vita da vigni dì de na val ativa desche Fascia.
La formula che caraterisea la gaissa de chesta neva programazion ladina l'é "Co la jent, de la jent, per la jent", simbol che volessa dir fora la neva vida de veder l canal desche laboratorie medial, co la jent che no vèrda demò, ma che la é pèrt ativa de la creazion di programes.
Verdane sù... Percheche TML l'é ence to...
Dì de l'Autonomìa - ai 5 de setember 2015
24/08/2015
Tradizion e inovazion, joegn e mendranzes, neva tecnologìes e cultura, chesta l’é la paroles che caraterisea la Dì de l’Autonomìa 2015, event en recordanza de la cordanza Degasperi-Gruber de Parigi del 1946, con chela che l Trentin- Sudtirol à arjont l’autonomìa spezièla, ma ence event che vèrda al davegnir, ai joegn e a la mendranzes.
Te chesta ocajion vegnarà spilenà l spetacol “Cendrejina” da les 9 da sera tel “Teater Sozièl” del zenter Santa Chiara.
La Scola Ladina de Fascia porta dant l’opera de Gianbattista Basile lurèda fora dai studenc e ensegnanc, spilenèda per talian e ciantèda per fascian. L’entrèda la é debant, i biliec i vegn dac fora ai 5 de setember da les 7 da sera inant, al Teater te strèda Oss Mazzurana 19.
Palinsest Programazion Ladina TML dai 24 ai 30 de aost 2015
18/08/2015
I oraries de la Programazion Ladina sun TML canal 642
Marilena Defrancesco - Sorastanta del Servije de la Mendranzes Linguistiches de la Provinzia.
2.Avis de selezion per n operator de didament
Comun de Poza
Telefon – 0462.764758
Direzion mail – segreteria@comunepozzadifassa.net
3.Avis de selezion per ejames per n contabol
Comun de Moena
Telefon – 0462. 573141
Programazion Ladina TML
20/08/2015
Angela Pederiva – Responsabola Programazion Ladina TML
Ofize Servijes Linguistics e Culturèi
Comun General de Fascia
Strada di Pré de gejia, 2 - Poza (TN) Tel. 0462-762158 - Fax 0462-763046
