Tradizion e inovazion, joegn e mendranzes, neva tecnologìes e cultura, chesta l’é la paroles che caraterisea la Dì de l’Autonomìa 2015, event en recordanza de la cordanza Degasperi-Gruber de Parigi del 1946, con chela che l Trentin- Sudtirol à arjont l’autonomìa spezièla, ma ence event che vèrda al davegnir, ai joegn e a la mendranzes.
Te chesta ocajion vegnarà spilenà l spetacol “Cendrejina” da les 9 da sera tel “Teater Sozièl” del zenter Santa Chiara.
La Scola Ladina de Fascia porta dant l’opera de Gianbattista Basile lurèda fora dai studenc e ensegnanc, spilenèda per talian e ciantèda per fascian. L’entrèda la é debant, i biliec i vegn dac fora ai 5 de setember da les 7 da sera inant, al Teater te strèda Oss Mazzurana 19.
<iframe width="640" height="360" src="https://www.youtube.com/embed/Pb7oWugTam4" frameborder="0" allowfullscreen></iframe>
